Vital Events

የወሳኝ ኩነት ምዝገባ አፈጻጸም መመሪያ (የልደት፣ጋብቻ፣ፍቺ፣ ሞት እና ጉዲፈቻ) የምስክር ወረቀት

1. በልደት ምዝገባ ወቅት መሟላት የሚገባቸው ቅድመ ሁኔታዎችና ደጋፊ ማስረጃዎች
   • ሚሲዮኑ ባለበት የተከሰተ ልደትን ለማስመዝገብ የህፃኑ መላጆች ወይም ከወላጆች አንዱ ኢትዮጵያዊ መሆን አለበት፣
   • ልደት የሚመዘገበው በህይወት ለተወለደ ወይም በህይወት ተወልዶ ወዲያውኑ ለሞተ ሲሆን ሞቶ የተወለደ ከሆነ ግን አይመዘገብም፣
   • አስመዝጋቢው ጊዜው ያላለፈበት የነዋሪነት ወይም ብሄራዊ መታወቂያ ወይም ፓስፖርት ወይም የመኖሪያ ፈቃድ ወይም ስደተኝነቱን የሚገልጽ ማስረጃ ማቅረብ አለበት፣
   • በውጭ ለሚኖሩ ኢትዮጵያውያን ልደቱ የተከሰተው በጤና ተቋም ከሆነ አስመዝጋቢው ከጤና ተቋም የተሰጠውን የልደት ማስረጃ ማቅረብ አለበት፣
   • የልደት አስመዝጋቢው ከጤና ተቋም የተሰጠውን ማሳወቂያ ቅጽ ማቅረብ አለበት፣
   • የህፃኑ አሳዳሪ ወይም ተንከባካቢ ልደቱን ለማስመዝገብ ህጋዊ የሳዳሪነት ወይም ተንከባካቢነት ማስረጃ ማቅረብ አለባቸው፣
   • እድሜው 18 ዓመትና በላይ የሆነ ስደተኛ ወላጆቹን የሚገልጽ ማስረጃ ከስደተኞች መረጃ ዳታ ቤዝ ወይም ዳታ ቤዝ ላይ መረጃው የሌለ እንደሆነ ስደተኛውን በመጠየቅ መመዝገብ አለበት፣
   • ከወላጆቹ አንዱ የውጪ አገር ዜጋ ከሆነ የህፃኑ ዜግነት በኢትዮጵያዊ ወላጁ ውሳኔ መሠረት ይመዘገባል፣

2. በየጋብቻ አፈፃፀም ቅድመ ሁኔታዎችና ደጋፊ ማስረጃዎች
   • ወንድም ሆነ ሴት 18 ዓመት ሳይሞላቸው ጋብቻ መፈፀም አይችሉም፣
   • በቀጥታ የስጋ ዘመዳሞች ወይም በወላጆችና በተወላጆች መካከል ጋብቻ መፈፀም ክልክል ነው፣
   • በቀጥታ የጋብቻ ዘመዳሞች መካከል ጋብቻ መፈፀም ክልክል ነው ፣
   • ማንኛውም ተጋቢ አስቀድሞ በጋብቻ ከተሳሰረ ከሆነ ይሄው ጋብቻ ፀንቶ በቆየበት ጊዜ ሌላ ጋብቻ አይመዘገብም፣
   • ጋብቻ ሲፈፀም ሁለቱም ተጋቢዎች በአካል ቀርበው ክብር መዝገቡ ላይ መፈረም አለባቸው፣
   • በሙሽራው በኩለ ሁለት በሙሽሪት በኩል ሁለት በድምሩ 4 ምስክሮች መቅረብ አለባቸው፣

ደጋፊ ማስረጃዎች

• ተጋቢዎች ማንበታቸውን የሚገልጽ ማስረጃ ማቅረብ አለባቸው፣
• የተጋቢ ምስክሮች አገልግሎቱ ያላለፈበት የነዋሪነት መታወቂያ ወይም የስደተኛ መታወቂያ ወይም ፓስፖርት ወይም ሌላ ማንነተን ሊገልጽ የሚችል ማስረጃ ማቅረብ፣
• ተጋቢዎች ከዚህ በፊት አግብተው የተፋቱ ከሆነ የፍቺ ምስክር ወረቀት ካለ ማቅረብ አለባቸው፣
• ከ6 ወር ወዲህ በተአሳሳጥ ጊዜ የተነሱት ሁለት ሦስት በአራት የሆነ የተጋቢዎች ፎቶ ግራፍ መቅረብ አለበት፣
• በባህላዊ ስርዓት የተፈፀመ ጋብቻ የተጋቢዎች መስክሮች ወይም በጋብቻ ስርዓቱ ላይ የታደመ ሰው በክብር መዝገቡ ሹም ፊት በአካል ቀርበው ፊርማቸውን ማኖር አለባቸው፣
• የተጋቢዎች የልደት ምስክር ወረቀት ካለ መቅረብ አለበት፣

3. ለፍቺ ምዝገባ መሟላት የሚገባቸው ቅድመ ሁኔታዎችና ደጋፊ ማስረጃዎች
   • ፍቺው ስልጣን ባለው ፍርድቤት የተፈፀመ መሆን አለበት፣
   • የፍቺ አስመዝጋቢ ሆነው የሚቀርቡት ተፋቺዎች በጋራ ወይም ከተፋቺዎች አንዱ ወይም የተፋቺዎች ልዩ ውክልና ያለው መሆን አለበት፣
   • የፍ/ቤት የውሳኔ ግልባጭ መቅረብ አለበት፣
   • የተፋቺዎች ጊዜው ያላለፈበት የመኖሪያ ፈቃድ ወይም ፖስፖርት ወይም ማህበራዊ መታወቂያ ወይም ስደተኝነትን የሚገልፅ ማስረጃ መቅረብ አለበት፣
   • ቀደም ሲል የጋብቻ ምስክር ወረቀት ወስደው እንደሆነ መመለስ አለበት፣

4. ለሞት ምዝገባ የሚያስፈልጉ ቅድመ ሁኔታዎችና ደጋፊ ማስረጃዎች
   • ከጤና ተቋም የተሰጠ ማስረጃ መቅረብ አለበት፣
   • የሟችን ማንነት የሚገልጽ ማስረጃ የመኖሪያ ፈቀድ ወይም ፓስፖርት ወይም ሌላ ማንነተን ሊገልጽ የሚችል ማስረጃ ማቅረብ አለበት፣
   • ውጭ ሀገር ለሞተ አስመዝጋቢ ከሀገሩ መንግስት የሞት ምስክር ወረቀት የዞ መቅረብ አለበት፣
   • ሞቱ የሚመዘገበው በግለሰቡ መጥፋት ውሳኔ ምክንያት ከሆነ የፍርድ ቤት ውሳኔ ትክክለኛ ግልባጭ መቅረብ አለበት፣
   • ሟች የመከላከያ ሠራዊት ከሆነ የሟች የጉዳት ሁኔታ መግለጫ ቅጽ መቅረብ አለበት፣

5.  በጉዲፈቻ ምዝገባ ወቅት መሟላት የሚገባቸው ደጋፊ ማስረጃዎች
   • ጉዲፈቻ የተደረገው ልጅ የቀድሞ የልደት ምስክር ወረቀት ካለው ለምዝገባው ሂደት የሚያስፈልጉ መረጃዎች ከምስክር ወረቀቱ ከተወሰዱ በኋላ ለክብር መዝገብ ሹም መመለስ አለበት፣
   • አስመዝጋቢው ጊዜው ያላለፈበት መታወቁያ መኖሪያ ፈቃድ ወይም ፓስፖርት ወይም ማህበራዊ መታወቂያ ማቅረብ አለበት፣
   • በፍርድ ቤት የፀደቀ የጉዲፈቻ ስምምነት ትክክለኛ ግልባጭ መቅረብ አለበት፣
   • የጉዲፈቻ አድራጊዎች የጋብቻ ሁኔታ የሚገልጽ ማስረጃ መቅረብ አለበት፣

 

የወሳኝ ኩነት ምስክር ወረቀት ክፍያ የአገልግሎት ዋጋ

ተ.ቁ	በውጭ ሀገር በ USD
	የኩነቱ ዓይነት	በመደበኛ ጊዜ	የዘገየ	ጊዜው ያለፈበት	እርማት	ቅጂ	ማረጋገጫ
1	ልደት	30	40	50	40	50	20
2	ጋብቻ	30	40	50	40	50	20
3	ፍቺ	30	40	50	40	50	20
4	ሞት	20	30	40	30	50	20
5	ጉዲፈቻ	30	40	50	40	50	20

 

ማሳሰቢያ፡-

• መደበኛ የምዝገባ ጊዜ ልደት በ90 ቀን ሲሆን የተቀረው ኩነት በሙሉ በ30 ቀን ውስጥ መመዝገብ አለበት
• በመደበኛው የምዝገባ ወቅት ሳይመዘገብ ቀርቶ እስከ አንድ ዓመት ባለው የዘገየ ሲሆን
• ከአንድ ዓመት በኋላ የሚደረግ ምዝገባ ጊዜው ያለፈበት ይሆናል፡፡